Sólland - duftreitir

Árið 2001 fengu KGRP úthlutað 3ja hektara landi undir duftkirkjugarð á landsvæði austan við Öskjuhlíðina og vestan við Fossvogskirkju sem nefnt hefur verið Sólland. Í markmiðs- og skipulagsforsendum fyrir samkeppni var gengið út frá eftirfarandi:

„Meginmarkmið samkeppninnar er að þátttakendur móti hugmynd að framtíðarduftgarði á Sóllandi og jafnframt frágangi á náttúrlegu svæði sem ætlað er að nái til hluta samkeppnissvæðisins. Skipulag og hönnun þurfa að taka mið af því að duftgarðurinn verði nýttur í áföngum væntanlega á mörgum áratugum. Lögð er áhersla á nútímalega hönnun, sem verði hagkvæm í byggingu og rekstri. Æskilegt er að þátttakendur leiti eftir samstarfi við listamann/listamenn, þar sem gert er ráð fyrir að listaverk geti gegnt mikilvægu hlutverki í heildaryfirbragði svæðisins. Jafnframt skal sýnt fram á lausn á því hvernig vesturhluti samkeppnissvæðisins verði mótaður sem náttúrlegt opið svæði - votlendi í samspili við duftgarðinn."

Samkeppni um hönnun svæðisins fór fram vorið 2003 og var 16 tillögum skilað inn. Arkitektar hjá Teiknistofunni Tröð urðu hlutskarpastir: http://www.tst.is/sam/ley.htm.