Kapellan, sem var vígð árið 1983, tekur um 90 manns í sæti og þar fara jöfnum höndum fram kistulagningabænir og útfarir. Steindur horngluggi setur svip sinn á húsakynnin og gæðir þau sérstökum hlýleika. Verkið nefnist píslargangan og er eftir hinn kunna listamann Leif Breiðfjörð. Orgel kapellunnar er frá danska fyrirtækinu Bruno Christensen & Sönner og er það 8 radda. Arkitektar að kapellunni voru Ólafur Sigurðsson og Guðmundur Kr. Guðmundsson.