Ágæti lesandi!

Allmargir sem komnir eru til vits og ára hafa skoðun á því hvernig útför þeirra eigi að fara fram. Hér er einstaklingum gefinn kostur á að leggja fram óskir sínar og verða þær síðan geymdar í tölvukerfi hjá Kirkjugörðum Reykjavíkurprófastsdæma fram að dánardegi. Við undirbúning útfarar verða óskirnar síðan afhentar þeim sem viðkomandi tilgreinir og/eða aðstandendum.

Ef þú ert sjálfráða, þ.e.a.s. orðin(n) 18 ára (sjá lög nr.71/1997) og hefur ákveðnar óskir um hvernig skipulag útfarar þinnar verði, getur þú lagt þær fram með því að fylla út eyðublaðið hér að neðan. Þú færð síðan staðfestingarbréf frá skrifstofu Kirkjugarðanna og er það sent á lögheimili þitt til að ganga úr skugga um að beiðnin sé komin frá þér og allt sé með felldu.