Ganga í Hólavallagarði

Í tilefni Menningarminjadaga Evrópu munu Kirkjugarðar Reykjavíkur bjóða upp á göngu í Hólavallagarði undir leiðsögn Heimis Janusarsonar umsjónarmanns garðsins. Í göngunni verður farið yfir sögu Hólavallagarðs og skoðuð verða minningarmörk er segja sögu um hugarfar hvers tíma. Skipulag garðsins verður skoðað í samhengi við borgarskipulag ásamt því að farið verður yfir gróðursögu garðsins og áhugaverð tré skoðuð. Síðast en ekki síst verður farið yfir tillögu um friðlýsingu á Hólavallagarði og hvaða áhrif það myndi hafa á garðinn og starfsemina í honum.

Farnar verða fjórar göngur í september: mánudaginn 2. miðvikudaginn 4. og svo aftur mánudaginn 9. og miðvikudaginn 11. september. Göngurnar hefjast kl. 17:30 við þjónustuhús við Ljósvallagötu.

Nánar má kynna sér dagskrá Menningarminjadaga Evrópu inná heimasíðu Minjastofnunar: https://www.minjastofnun.is/is/vidburdir/